Ամբողջ թվեր

Ցանկացած բնական թիվ մեկով մեծ է իրեն նախորդող թվից, այսինքն՝ ստացվում  է նրան մեկ գումարելու միջոցով։
  1=0+1    2=1+1    3=2+1    4=3+1   5=4+1.......
  Ամբողջ դրական և բացասական թվերն ու զրոն ունեն ընդանուր անվանում ամբողջ թվեր։
 Ամբողջ թվերի շարքը և  ամբողջ թվերի համեմատումը
 Մենք գիտենք, որ բնական (դրական ամբողջ) թվերի շարքն այնպես է  կազմված, որ նրա յուրաքանչյուր թիվ ստացվում է` նախորդ թվին (սկսած 1-ից) 1 գումարելով.
 1, 2, 3, 4, 5, 6, 7, 8, 9……
 Համեմատման նշանների միջոցով կարող ենք գրել.
 0<1<2<3<4<5<6<7<8<9……
 Կարելի է տեսնել, որ  ամբողջ թվերի շարքում յուրաքանչյուր թիվ մեծ է իրենից ձախ գրված ցանկացած թվից և փոքր է իրենից աջ գրված  ցանկացած թվից.
 …<-6<-5<-4<-3<-2<-1<0<1<2<3<4<5<6…
 Ամբողջ թվերը կարելի է համեմատել նաև նրանց  գրառման հիման վրա։
 Այն ամբողջ թվերը, որոնք կորդինատային ուղղի վրա գտնվում են զրոյից  միևնույն հեռավորության  վրա  հակադիր ուղղություններով, կոչվում են հակադիր թվեր։
 Այն բնական թիվը, որը ցույց է տալիս,  թե կորդինատային  ուղղի վրա զրոյից  քանի միավոր հեռավորության վրա է գտնվում տվյալ  ամբողջ թիվը, կոչվում է այդ ամողջ թվի բացարձակ արժեք  կամ մոդուլ։